Uwufise ububasha kw’isanamu Getty Images Image caption Mu bantu barindwi bamaze kubonekaho iyi ndwara batanu ni abayivanye mu mahanga

Minisiteri y'ubuzima mu Rwanda yatangaje ko habonetse abandi bantu babiri bafite coronavirus, ibi byatumye imibare y'abanduye igera kuri barindwi.

Iyi minisiteri ivuga ko abo ari "Umunyarwandakazi w'imyaka 32 washakanye n'Umunyrwanda nawe wanduye uheruka mu birwa bya Fiji anyuze muri Amerika na Qatar".

Ivuga ko undi ari umudage w'imyaka 61 wageze mu Rwanda tariki 13/03 wageze mu Rwanda avuye mu Budage anyuze muri Turkiya. Uyu ngo yageze inkorora ajya kwa muganga tariki 15/03/2020.

Minisiteri y'ubuzima ivuga ko abantu bahuye n'aba bantu bashakishijwe ngo basuzumwe.

  • Kenya: Bafunze umuntu ushinjwa gukwiza ibihuha kuri coronavirus
  • Tanzania na Somalia byemeje aba mbere bafite coronavirus
  • Coronavirus: Sobanukirwa ibyo ‘kwishyira mu kato’

Minisiteri y'ubuzima mu Rwanda ivuga ko igihe cy'ibyumweru bibiri cyatanzwe ku ifungwa ry'amashuri n'insengero gishobora kongerwa bitewe n'uko iyi ndwara igenda ifata indi ntera.

Mu karere, u Rwanda ubu nirwo rumaze kubonekamo umubare munini w'abanduye coronavirus, barindwi, imbere ya Kenya (3) na Tanzania (1).

Mu kwirinda ikwirakwira ry'iyi virus, abantu basabwa; gukaraba intoki neza, kwirinda kujya ahateraniye abantu benshi no kwirinda ingendo zitari ngombwa.

Ku isi uyu munsi harabarwa abantu 182,716 bamaze kwandura coronavirus, muri bo 79,883 barayikize naho 7,173 yarabishe.

Imibare y'abayirwaye ikomeje kwiyongera cyane mu Butaliyani aho hamaze kubarurwa abantu 27,980 ikaba imaze kwica 2,158.

Uko ejo byari byifashe muri Afurika: